«Уяв чăвашла янратăр» сценарисен республика конкурсĕн çĕнтерÿçисене саламлатпăр! 

                           2020-мĕш çулхи «Чăвашла уяв янратăр!» сценарисен конкурсĕ иртрĕ.

Конкурса тĕрлĕ вĕренÿ организацийĕсенче ĕçлекен педагогсем хутшăнчĕç. Жюри пурĕ 163 ĕç пăхса тухрĕ. Вĕсенчен  «Ача ашшĕ-амăшĕн пухăвĕн сценарийĕ» номинацире – 9 ĕç, «Класс сехечĕн сценарийĕ» – 17 ĕç, «Спорт мероприятийĕн сценарийĕ» – 7 ĕç, «Уроксем хыççăнхи мероприятин сценарийĕ» – 38 ĕç, «Уяв сценарийĕ» – 92 ĕç пулчĕ.

Конкурса тăратнă ĕçсене тимлĕн вуласа тухнă хыççăн жюри 58 çĕнтерÿçĕпе призёра палăртрĕ.

Сценарисем тематика пуянлăхĕпе палăрса тăраççĕ. Ку енчен уйрăмах ача сачĕсен воспитателĕсене ырламалла. Чылай сценари Аслă Çĕнтерĕвĕн 75 çулĕпе çыхăннă. Сценари тума проза материалĕпе те, поэзипе те усă курнă. Илемлĕ литература тексчĕсенчен пьесăсем тăвакансем пур. Чылай сценарие юрă-ташă пуянлатать.

Чи лайăх ĕçсене пуçтарса сценарисен пуххи кăларма палăртнă.

Конкурса хутшăннине ĕнентерекен сертификатсене тата çĕнтерÿçĕсемпе призёрсен дипломĕсене мартăн 26-мĕшĕ тĕлне заявкăра кăтартнă адреспа (электрон формăпа) ярса паратпăр.

«Уяв чăвашла янратăр» сценарисен республика конкурсĕн

 çĕнтерÿçисемпе призĕрĕсен шутĕнче

номинацире- «Уроксем хыççăнхи мероприятин сценарийĕ»

Призёр: Кузьмина Юлия Егоровна, Федорова Ирина Михайловна Красноармейски районĕ Трак вăтам шкулĕ.

Çĕнтерÿçĕсене саламлатпăр, яланах хастар пулма сунатпăр.